धनुषामा लम्पी स्किन संक्रमणबाट प्रभावित भएका पशुलाई खोप लगाउदै , निगरानी तीव्र

इन्द्र भुषण यादब

जनकपुरधाम, साउन २ गते 

प्रचण्ड गर्मी र खडेरी बाट पहिले नै समस्यामा पारेका धनुषाका किसानहरूलाई अहिले लम्पी स्किन रोगले झनै पीडा दिएको छ ।पहाडमा मात्रै देखिँदै आएको यो रोग हालै केही दिनदेखि धनुषामा पनि केही ठाहरुमा देखापर्न थालिएको हाे । 

भेटनरी अस्पताल तथा पशु सेवा विज्ञ केन्द्र, धनुषाको सक्रियतामा चालु आर्थिक वर्ष जस्तै याे वर्ष पनि पशुमा लम्पी स्किन रोग विरुद्धको खोप लगाउन थालिएका छन् । खोपको कारण किसानको पशुजन्य क्षति न्यूनीकरणमा उल्लेखनीय प्रभाव पारेको किसानहरु बताउँछन् ।

खोपको कारण किसानको पशुजन्य क्षति न्यूनीकरणमा उल्लेखनीय प्रभाव पारेको किसानहरु बताउँछन् ।

कृषिकर्म आय श्रोत मुल अधार रहेको यहाँका किसानका लागि पशुपालन आम्दनीको ठुलो श्रोत रहेको छ । लेम्पी स्किन राेग राेकथामकाे लागि भेटनरी अस्पताल तथा पशु सेवा विज्ञ केन्द्र, धनुषाले तिव्र रुपमा खाेप लगाउन थालिएका छन् । 

पशु सेवा विज्ञ केन्द्र धनुषाका प्रमुख वरिष्ठ पशु चिकित्सक डा. सञ्जीव कुमार ठाकुरका अनुसार पशु उपचारमा प्रविधिको प्रयोग बढाएपछि पशु स्वास्थ्य उपचार समेत प्रभावकारी बन्दै गएको छ 

रोग पशुपालन क्षेत्रमा निकै खतरनाक मानिन्छ । रोगको प्रकोप रोक्न समयमै खोप, जनचेतना, फैलाउन जरुरी छ ।  

खोप अभियान सञ्चालन गर्दै उच्च जोखिम भएका क्षेत्रहरूमा निःशुल्क खोप वितरण कार्य भइरहेको बताए । संक्रमण फैलिन नदिन संक्रमित गाईभैंसीलाई अन्य स्वस्थ जनावरबाट अलग राख्ने व्यवस्था गर्नु पर्ने किशानहरुलाई समेत आग्रह गरिऐका छन् । 

कार्यालय प्रमुखले भने, “पछिल्लो वर्षको तुलनामा यस वर्ष लम्पी स्किनको त्रासदी कम छ, त्यसैले अत्यधिक डराउनुपर्ने अवस्था छैन । छिट्टै नै यो रोगलाई नियन्त्रणमा ल्याएर उन्मूलन गर्ने लक्ष्य लिएका छौं ।“

रोग फैलाउने कीटहरूको नियन्त्रणका लागि गोठघर वरपर झिंगा, लामखुट्टे, टिक हटाउने कीटनाशक औषधि छर्किएको छ । साथै गोठ सरसफाइ, मलमुत्र व्यवस्थापन तथा जैविक सुरक्षाका उपायहरू अपनाउन कृषकलाई प्रेरित गरिएको छ ।’ उनले सीमापारीबाट पनि संक्रमण भित्रिने भएकोले सीमापारीबाट पशु आवागमनमा बिना जाँच पशु आवतजावतमा नगर्न समेत आग्रह गरे । यसैबीच, संक्रमण फैलिन नदिनका लागि खोप अभियानलाई तीव्र पारिएका छन् ।