टाटाको ‘पन्च डट ई भी’ जनकपुरधाममा पनि सार्वजनिक, ८ वर्ष चार्जिङ फ्री

दिपक श्रेष्ठ मण्डल

 जनकपुरधाम, श्रावण २६ गते 

नेपाली विद्युतीय सवारी बजारमा टाटाले पन्च डट ई भी मोडेल आकर्षक मोडेलमा अफर सहित देशभरी एकसाथ सार्वजनिक गरेको छ। जनकपुरधामको मुजेलिया स्थित टाटा सोरुम बाट पन्च डट ईभीका विभिन्न भेरियन्ट उपलब्ध हुने जनाइएको छ।

पन्च डट ई भीको मूल्य ३२ लाख ९९ हजारदेखि ३७ लाख ९९ हजार रुपैयाँ सम्म रहेको छ। खरिदकर्ताले नेपालभर रहेका टाटा चार्जिङ स्टेसनमा ८ वर्षसम्म निःशुल्क चार्जिङ सुविधा पाउने कम्पनीले जनाएको छ।

मुजेलिया स्थित टाटा सोरुमका म्यानेजिङ डाइरेक्टर गुड्डु जैनले आकर्षक मूल्य, निःशुल्क चार्जिङ र लामो वारन्टीका कारण पन्च डट ईभी ग्राहकका लागि उपयोगी हुने बताउनुभयो। उहाँका अनुसार ८ वर्षको निःशुल्क चार्जिङ र ११ वर्षसम्मको वारन्टीले ग्राहक लाई दीर्घकालीन सहजता प्रदान गर्नेछ।

टाटा सोरुमका रिजनल म्यानेजर ईश्वरकुमार सुवेदीले पन्च डट ईभीमा आधुनिक प्रविधि तथा सुरक्षालाई प्राथमिकता दिइएको बताउनुभयो। उहाँका अनुसार ३६० डिग्री क्यामेरा, ६ वटा एयरब्याग, भेन्टिलेटेड सिट र अटोमेटिक क्लाइमेट कन्ट्रोल जस्ता सुविधा यसमा रहेका छन्।

नेपालको सडक अवस्थालाई ध्यानमा राखेर उच्च ग्राउन्ड क्लियरेन्स दिइएको कम्पनीले जनाएको छ। पन्च डट ई भी पाँच विभिन्न रङमा उपलब्ध रहेको जनाइएको छ।

ब्याट्री र मोटरमा ८ वर्षको मानक वारन्टी रहेको पन्च डट ईभीमा नाइमा अफरअन्तर्गत थप ३ वर्षको वारन्टी निःशुल्क दिइनेछ। यससँगै कुल वारन्टी अवधि ११ वर्ष वा २ लाख २० हजार किलोमिटरसम्म पुग्ने कम्पनीले जनाएको छ।

पन्च डट ईभी सार्वजनिक कार्यक्रममा टाटा सोरुम मुजेलियाका म्यानेजिङ डाइरेक्टर गुड्डु जैन, रिजनल म्यानेजर ईश्वरकुमार सुवेदी , मुकेश कुमार साह लगायत अन्य कर्मचारीहरूको उपस्थिति रहेको थियो।