आज मिथिलाञ्चलमा चाैरचन पर्व धुमधमकासाथ मनाइँदै इन्द्र

इन्द्र भुषण यादव 

जनकपुरधाम , भदौ २१ गते 

आस्था एवं निष्ठापूर्वक मनाईने चाैठचन्द्र ( चाैरचन ) पर्व आज मिथिलाञ्चलमा धुमधामकासाथ मनाइँदै छ । जनकपुरधाम सहित मिथिलाञ्चल क्षेत्रमा मनाइँने महत्त्वपूर्ण पर्वमध्ये एकहाे चाैरचन पर्व । भदौ शुक्ल चतुर्थीकाे दिन फलफूल लिएर चन्द्रमाकाे पूजा गर्दा विभिन्न प्रकारका कलंकबाट मुक्ति पाइने विश्वास रहेको छ । 

चाैठचन्द पर्वका दिन व्रतालु निराहार व्रत बसी साँझकाे समयमा भगवान गणेश र चन्द्रमालाई खीर , पुरी , फलफूल प्रसादकाे रुपमा अर्पण गरिन्छ । दिनमा प्रसाद बनाउने र बेलुका पूजा गर्ने भएकाले अहिले घर- घरमा महिलाहरु प्रसाद तयार बनाउन व्यस्त छन् । आजकाे दिन लाेकपर्व चाैठचन्द मनाउने क्रममा गणेश र चन्द्रमाकाे कथा सुन्ने समेत परम्परा रही आएकाे छ । 

यस पर्वकाे प्रारम्भ तत्कालीन नरेश हेमांगद ठाकुरले गरेका थिए । उनी नरेशका अतिरिक्त प्रख्यात ज्याेतिष समेत थिए । चाैठचन्द्र गर्नाले विशिष्ट फल प्राप्त हुने धार्मिक विश्वास रहेकाले मिथिलाञ्चलसहित मधेशमा घर - घरमा याे वर्व मनाउने थालियो । चाैठचन्द्र पर्व जनकपुरधाम सहित धनुषा , महाेत्तरी ,सिरहा सर्लाही , सप्तरी , बारा, पर्सा लगायत भारतकाे केही राज्यहरुमा समेत मनाईन्छ ।

 हिन्दु धर्मावलम्बी समुदायका व्यक्तिहरुले यस पर्वलाई विशेष महत्वकाे साथ मनाउने गर्दछन् । भदौ शुक्ल चाैथीका दिन मनाइँने चाैठचन्द्र पर्वमा सूर्यास्तपछि गाईकाे गाेबरले लिपेर बनाइएको आँगन माँझकाे चतुष्काेण यज्ञस्थलमा दीप प्रज्वलन गर्दै घरमूली ब्रतालुले फलफूल र मिष्ठान्न परिकार चन्द्रमालाई देखाएर चाैरचन ब्रत समापन गर्ने मैथिल परम्परा छ । पर्व समापनपछि चढाइएकाे प्रसाद ग्रहण गर्ने र इष्टमित्रलाई वितरण गर्ने समेत परम्परा रहेको छ ।