अन्तर स्कुल टी–२० क्रिकेट प्रतियोगिता २०८१ :आजको खेलमा हिमाली स्कुल र एर्रे इन्टरनेशनल स्कूल विजयी

जनकपुरधाम/फागुन १८ गते

 जनकपुरधाममा बिवाईडी(BYD) चौथो अन्तर स्कुल टी–२० क्रिकेट प्रतियोगिता अन्तर्गत आज भएको खेलमा हिमाली स्कुल र एरे इन्टरनेशनल स्कुल विजय भएका छन ।

आजको पहिलो खेल मिट स्कुल र हिमाली स्कुल बीच भएको थियो जसमा मिट स्कुलले टस जितेर ब्याटिङ रोजेको थियो । ब्याटिङ गर्दै मिट स्कुलका खेलाडीहरु सबै विकेट गुमाउदै ८६ रन बनाएको थियो। हिमाली स्कुललाई जितको लागि ८७ रनको लक्ष्य दिएको थियो । हिमाली स्कुलको टिमका लागि वेक महतोले १३ रन र सारंग ठाकुरले १२ रनको योगदान दिएको थियो । हिमालीका लागि बलिङ्ग गर्दै मो. हसनले २ विकेट लिन सफल भए भने अमित रोयले २ विकेट लिन सफल भएका थिए ।

खेलमा जवाफी ब्याटिङका लागि आएका हिमाली स्कुल खेलाडीहरु ६ विकेटको क्षतिमा ८९ रन बनाएर बिजयी भएका छन् । हिमालीका लागि सनराज साहले २२ र अमित रोयले १८ रनको योगदान दिएको थियो । मिट स्कुलको लागि बलिङ गरेका सारंग ठाकुरले ३ र आयुस सिंहले २ विकेट लिन सफल भएका थिए । । यस खेलको म्यान अफ दि म्याच हिमालीका अमित रोयलाई प्रदान गरिएको थियो ।

त्यस्तै आजको दोस्रो खेल एर्रे इन्टरनेशनल स्कूलले र अन्नपूर्ण स्कूल बीच भएको थियो। जसमा अन्नपूर्ण स्कूलले टस जितेर पहिले एर्रे इन्टरनेशनल स्कूल लाई ब्याटिङको लागि आमन्त्रण गरेको थियो । एर्रे इन्टरनेशनल स्कूलका खेलाडीहरु सवै विकेटको गुमाउदै १७२ रनको योगफल तयार पारेको थियो ।अन्नपूर्ण स्कूललाई जितको लागि १७३ रनको लक्ष्य दिएको थियो । यस टिमका लागि युवराज साहले ३५ बलमा ५५ रनको योगदान गरे भने कृष्णा मण्डलले १५ बलमा ३० रनको योगदान दिएका थिए। अन्नपूर्णका लागि उमाशंकर साहले ४ ओभरमा २७ रन खर्चेर ४ विकेट लिन सफल भएका थिए । जवाफ ब्याटिङका लागि आएका अन्नपूर्ण स्कुलले १३.४ ओभरमा सवै विकेट गुमाउँदै मात्र ६९ रन मात्र बनाउन सकेका थिए । अन्नपूर्णका लागि आनन्द साहले २५ रन र अमनले १८ रनको योगदान दिएका थिए । एर्रेका लागि धीरेन्द्र यादवले ४ ओभरमा ३२ रन खर्चदै ४ विकेट लिन सफल भए भने निलेशले ४ ओभरमा २० रन खर्चेर ४ विकेट लिन सफल भएका थिए । खेलका म्यान अफ दि म्याच एर्रेका युवराज साहलाई प्रदान गरिएको थियो ।

प्रतियोगितामा १६ वटा विद्यालयले भाग लिएका छन् । खेल आइसीसी मान्यता अनुसार भइरहेको छ भने यो प्रतियोगिता जनकपुर स्पोर्टस क्लव र न्यु भिजन नेपालको आयोजनामा भईरहेको छ। भोली पहिलो खेल न्यू भिजन स्कुल र गोगल प्रसाद विद्यालय बीच र दोस्रो खेल मदर टरेसा पव्लिक स्कुल र सिटी मोन्टेसरी विच हुनेछ । विद्यार्थीहरुको सर्वांगीण विकासका लागि खेलकुदमा विशेष ध्यान दिनुपर्ने भन्दै स्थानिय युवा अम्भू प्रसाद साह बताउँछन्।