धनुषामा हाेली पर्वलाई लक्षित गरी सुरक्षा व्यवस्था कडाइ

इन्द्र भुषण यादव/ राष्ट्रिय आवाज 

जनकपुरधाम, फागुन २७ गते 

धनुषामा हाेली पर्व लाई लक्षित गर्दै सुरक्षा व्यवस्था कडा पारिएका छन् । हाेली पर्वमा चर्को साउण्डमा डिजे बजाएर उच्छृङ्खल गतिविधि गर्नेहरुलाई कानुनी कारबाही हुने चेतावनी दिएका छन् । हाेलीकाे अवसर भन्दै जाँड् , रक्सी , प्रतिबन्धित लागूऔषध पदार्थ सेवन गरी हाे- हाेल्ला गर्ने , जबर्जस्ती रँग लगाउने , हुर्दँग मच्चाउने , मापसे गरी तीव्र गतिमा सवारी चलाउने , तीन - चार जना बसेर माेटरसाईकल चलाउनेलाई नियन्त्रणमा लिने र ब्यापक रुपमा प्रहरी परिचालन गरिएका छन् । राष्ट्रिय आवाज सँग कुराकानी गर्दै धनुषाका एसपी भुनेश्वर तिवारीले अश्लील गीत बजाउनेमाथि पहिलादेखि नै प्रतिबन्ध रहेपनि हाेली अवांच्छित गतिविधि गर्नेहरुकाे डिजे जफत हुने बताएका छन् । 

मादक पदार्थ सेवन गरी डिजेमा भद्दा गीत बजाउँदै अशाेभनीय क्रियाकलापकाे साथै अरुलाई जिस्काउने , दु:ख दिने जस्ता कार्यहरु हाेलीमा हुने गरेको व्यापाक गुनासाेपछि यसपाली हाेलीमा सुरक्षा व्यवस्था कडाइ गरिने भएको हाे । 

जनकपुरधाममा मिथिला मध्यमा परिक्रमा यात्री फर्कने गरिएको र शुक्रबार अन्तर गृह परिक्रमा गर्नेभएकाले फागुन २९ गते र चैत १ गते सूर्याेदयदेखि सूर्यास्तसम्मका लागि जनकपुरधाम क्षेत्रमा माँसमदिरा बिक्रिवितरण तथा सेवन निषेधित गरिएको जनाएको छ । 

साथै स्वास्थ्य सुरक्षाका मापदण्ड अपनाई शान्ति वातावरण बनाइ हाेली पर्व लाई लिएर धनुषाका सम्पूर्ण सर्वसाधारणहरुलाई शुभकामना दिदै एसपी भुनेश्वर तिवारीले जानकारी दिएका छन् ।