जनकपुर प्रादेशिक अस्पताल सँगै देशभर आकस्मिक बाहेकका सम्पूर्ण सेवा ठप्प
11 महीना पहिले प्रकाशित
ओ पी साह, राष्ट्रिय आवाज
जनकपुरधाम ,वैशाख १२
नेपाल चिकित्सक संघले शुक्रबार मधेश प्रदेश सरकार अन्तर्गत जनकपुरधाम स्थित मधेश स्वास्थ्य विज्ञान प्रतिष्ठान अस्पतालसहित देशभरका सरकारी, निजी अस्पताल, मेडिकल कलेज र क्लिनिकहरूमा आकस्मिक तथा सघन उपचार सेवा बाहेक सम्पूर्ण सेवा ठप्प पारेको छ।
संघले आवासीय चिकित्सकहरू लाई दिइनुपर्ने निर्वाह भत्ता तथा श्रम शोषणविरुद्ध चरणबद्ध आन्दोलन गरिरहेको जनाएको छ। संघका अध्यक्ष डा. रामजी यादवले राष्ट्रिय आवाजसँग कुरा गर्दै आन्दोलनको कारणबारे जानकारी दिएका हुन्।
संघले एक विज्ञप्ति जारी गर्दै आवासीय चिकित्सकहरूले लामो समयदेखि निर्वाह भत्ता नपाएको, र आन्दोलनमा संलग्न भएकै कारण विभिन्न निकायबाट धम्की आउने गरेको बताउँदै आन्दोलनलाई निरन्तरता दिने जनाएको छ।
डा. यादवका अनुसार प्रत्येक जिल्लामा जिल्ला प्रशासन कार्यालयमार्फत धर्ना तथा ज्ञापन पत्र बुझाउने कार्यक्रम तय गरिएको छ। धनुषा जिल्लामा शुक्रबार बिहान ११ बजेदेखि १२ बजेसम्म जिल्ला प्रशासन कार्यालयमा धर्ना दिइने र त्यसपछि जनक चोकसम्म र्याली निकालेर कोणसभा गरिने संघको प्रेस विज्ञप्तिमा उल्लेख छ।
यसअघि पनि संघले माइतीघरस्थित स्वास्थ्य मन्त्रालयअगाडि प्रदर्शन गरिसकेको छ। संघले मागहरू पुरा नभए थप कडा आन्दोलन गर्ने चेतावनी दिएको छ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
राष्ट्रिय आवाज चैत्र ५ गते आजमगढ — सन्त निरंकारी मिशनको आयोजनामा निरंकारी यूथ फोरमअन्तर्गत यूथ सिम्पो..
राष्ट्रिय आवाज जनकपुरधाम, चैत्र ५ गते धनुषाको यदुकहा बजारमा गरिएको आकस्मिक बजार अनुगमनले उपभोक्ता माथि हु..
मोनू गुप्ता जनकपुरधाम , चैत्र २ गते जनकपुर धामका धार्मिक तथा सांस्कृतिक सम्पदा स्थलहरूको संरक्षण, व्य..
दीपक श्रेष्ठ मण्डल चैत्र १ गते,जनकपुरधाम श्री गोगल प्रसाद नमूना माध्यमिक विद्यालयले शैक्षणिक प्रदर्शन..
राष्ट्रिय आवाज जनकपुर धाम,१६ फागुन धनुषाको गणेशमान चारनाथ नगरपालिका–५ स्थित हरिहरेश्वर मन्दिर परिसर ..
_1771810900.jpg)
.png)