तेली समाजलाई मतदाता मात्रै हैन, निर्णायक शक्तिको रुपमा अगाडि बढाउनु पर्छ — अध्यक्ष साह
10 महीना पहिले प्रकाशित
राष्ट्रिय आवाज
जनकपुरधाम, जेष्ठ १० गते
तेली कल्याण समाज नेपाल जनकपुरधाम नगर समितिको आयोजनामा वार्ड नं. ०८ स्थित स्वजातीय समुदायको सहभागितामा वडास्तरीय भेला सम्पन्न भएको छ। समसामयिक सामाजिक विषयहरूमा गहन छलफल गर्न आयोजित उक्त कार्यक्रममा प्रमुख अतिथि तथा समाजका अध्यक्ष राम बाबु साहले तेली समुदायलाई केवल करदाता वा मतदाताको रूपमा मात्र नभई निर्णायक शक्तिको रूपमा स्थापित गर्न आवश्यक रहेको बताए।
अध्यक्ष साहले भने, "राजनीतिक अधिकार बुझ्नुपर्छ, हाम्रो सामाजिक आवाजलाई सशक्त बनाउन एकता अपरिहार्य छ। हामी विभाजित भयौं भने हाम्रो पहिचान र अधिकार दुबै कमजोर बन्छ।" उनले सामाजिक परिवर्तनका लागि राजनीतिक चेतना अनिवार्य रहेको पनि उल्लेख गरे।
कार्यक्रम नगर समितिअन्तर्गत वडास्तरीय संयोजक सुनयना देवी साहको अध्यक्षतामा सम्पन्न भएको थियो। कार्यक्रममा विभिन्न वक्ताहरूले सामाजिक एकता, सद्भाव, र सामूहिक उत्थानका विषयमा जोड दिए। उनीहरूले तेली समाजले शिक्षा, स्वास्थ्य, रोजगार र नेतृत्वमा सक्रियता बढाउनुपर्नेमा जोड दिएका थिए।
कार्यक्रमका आयोजक महेश साहले समाजभित्रको सहकार्य र समन्वय आवश्यक रहेको भन्दै आगामी दिनमा थप यस्ता कार्यक्रमहरू गरिने जानकारी दिए। कार्यक्रम सञ्चालन युवा व्यवसायी तथा अभियन्ता अम्बु प्रसाद साहले गरेका थिए।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
राष्ट्रिय आवाज चैत्र ५ गते आजमगढ — सन्त निरंकारी मिशनको आयोजनामा निरंकारी यूथ फोरमअन्तर्गत यूथ सिम्पो..
राष्ट्रिय आवाज जनकपुरधाम, चैत्र ५ गते धनुषाको यदुकहा बजारमा गरिएको आकस्मिक बजार अनुगमनले उपभोक्ता माथि हु..
मोनू गुप्ता जनकपुरधाम , चैत्र २ गते जनकपुर धामका धार्मिक तथा सांस्कृतिक सम्पदा स्थलहरूको संरक्षण, व्य..
दीपक श्रेष्ठ मण्डल चैत्र १ गते,जनकपुरधाम श्री गोगल प्रसाद नमूना माध्यमिक विद्यालयले शैक्षणिक प्रदर्शन..
राष्ट्रिय आवाज जनकपुर धाम,१६ फागुन धनुषाको गणेशमान चारनाथ नगरपालिका–५ स्थित हरिहरेश्वर मन्दिर परिसर ..
_1771810900.jpg)
.png)