संघीय लोकतान्त्रिक मोर्चा महोत्तरी द्वारा कालो दिवस मनाइयो
1 महीना पहिले प्रकाशित
इन्द्र भूषण यादव
महोत्तरी, असोज ३ गते
नेपाल सरकारले असोज ३ गतेलाई संविधान दिवसका रूपमा देशव्यापी रूपमा उत्सव मनाइरहँदा महोत्तरीमा संघीय लोकतान्त्रिक मोर्चाले भने अपूर्ण र अधुरो संविधान भन्दै कालो दिवस मनाएको छ।
मोर्चाका नेता तथा कार्यकर्ताहरू सयौँको संख्यामा भेला भई टाउकोमा कालो पट्टी बाँधेर नगर परिक्रमा गर्दै विरोध प्रदर्शनमा सहभागी भएका थिए। प्रदर्शनकारीहरूले “यो संविधान मान्य छैन”, “संविधान संशोधन गर” लगायतका नारा लगाएका थिए।
मोर्चाका नेताहरूले संविधानमा रहेका त्रुटी सच्याउन नसकेसम्म जनताले यसलाई स्वीकार्न नसक्ने चेतावनी दिए। उनीहरूले संविधान जारी भएको दिनमै ब्ल्याकआउट गरेर विरोध जनाएको र आज फेरि पनि ‘कालो दिन’का रूपमा सम्झन बाध्य भएको बताए।
मधेश प्रदेशका जसपा नेपालकी नेतृ सबिता यादवले संविधानले मधेशी जनताको अधिकारलाई पूरा प्रतिनिधित्व नगरेको दाबी गर्दै त्रुटी सच्याउन आवश्यक रहेको बताइन्।
“संविधान पुनर्लेखन वा संशोधन गरेर मात्र मधेश जन विद्रोहका मागहरू सम्बोधन गर्न सकिन्छ,” उनले भनिन्।देश नयाँ युगमा प्रवेश गर्दैगर्दा संविधानको रक्षा हुनु आवश्यक भए पनि मधेश जनविद्रोह लाई भुल्न नहुने उनको तर्क छ ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
राष्ट्रिय आवाज जनकपुरधाम, कार्तिक २ गते सामाजिक उत्तरदायित्व र नागरिक सचेतना अभिवृद्धिका उद्देश्यले ममत..
राष्ट्रिय आवाज जनकपुरधाम ,असोज २९ गते,बुधबार मधेश प्रदेशमा नयाँ सरकार गठन भएको छ। लोकतान्त्रिक समाजवादी ..
राष्ट्रिय आवाज असोज २९, जनकपुरधाम। मधेश प्रदेशका नी वर्तमान मुख्यमन्त्री सतीस कुमार सिंह र प्रदेशसभा सदस्य त..
राष्ट्रिय आवाज,असोज २८ गते निर्वाचन आयोग, नेपालले जनस्वराज पार्टी (संक्षिप्तमा जस्वपा) लाई आधिकारिक रूपमा द..
ओ पी साह जनकपुरधाम , असोज २७ गते , सोमबार मधेश प्रदेशमा जलवायु परिवर्तन, कृषि प्रणाली र कृषिमा युवाको ..
.png)