महोत्तरीमा बाढी प्रभावित लाई राहत वितरण
12 दिन पहिले प्रकाशित
राष्ट्रिय आवाज
महोत्तरी, असोज २३ गते
असोज १८ र १९ गरेका दिन लगातारको वर्षापछि आएको भीषण बाढीले प्रभावित महोत्तरी जिल्लाको जलेश्वर नगरपालिका क्षेत्रका बाढी बाट प्रभावित गरीब, विपन परिवारहरू लाई राहत वितरण गरिएको छ। सेभ द चिल्ड्रेनको सहकार्यमा रतौली युवा क्लबले बुधबार ९० बाढीपीडित परिवारलाई राहत सामग्री वितरण गरेको हो।
गत शनिबार र आइतबार रातु नदीमा आएको बाढीले जलेश्वरका वडा नं. १, २ र ८ मा विशेष गरी ठूलो क्षति पुर्याएको थियो। घर, गोठ र बाली डुबानमा परेपछि स्थानीयहरू कष्टकर अवस्थामा बस्न बाध्य भएका थिए।
रतौली युवा क्लबका संस्थापक अध्यक्ष वैद्यनाथ चौधरीका अनुसार प्रत्येक परिवारलाई करिब १० हजार रुपैयाँ बराबरको गैर–खाद्य राहत सामग्री वितरण गरिएको हो।“हामीले पीडित परिवारलाई शेल्टर किट, हाइजिन किट, पानी फिल्टर, एलुमिनियम म्याट, पातलो कम्बल र भान्सा बनाउने भाडा वर्तन किट एक सेट उपलब्ध गराएका छौं,” चौधरीले बताए।
उनका अनुसार पहिलो चरणमा ९० परिवारलाई राहत वितरण गरिएको हो भने बाँकी प्रभावित परिवारहरूलाई पनि चाँडै राहत पुर्याउने तयारी भइरहेको छ।राहत वितरण कार्यक्रममा स्थानीय जनप्रतिनिधि, स्वयंसेवक र बाढीपीडित समुदायका सदस्यहरूको सक्रिय सहभागिता रहेको थियो।
बाढीले दुःखी परिवारका अनुहारमा राहतको मुस्कान ल्याउन सहयोगी हातहरू अघि बढिरहेका छन् — यही सामूहिक प्रयास विपद् व्यवस्थापनको सशक्त उदाहरण बनेको छ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
राष्ट्रिय आवाज जनकपुरधाम, कार्तिक २ गते सामाजिक उत्तरदायित्व र नागरिक सचेतना अभिवृद्धिका उद्देश्यले ममत..
राष्ट्रिय आवाज जनकपुरधाम ,असोज २९ गते,बुधबार मधेश प्रदेशमा नयाँ सरकार गठन भएको छ। लोकतान्त्रिक समाजवादी ..
राष्ट्रिय आवाज असोज २९, जनकपुरधाम। मधेश प्रदेशका नी वर्तमान मुख्यमन्त्री सतीस कुमार सिंह र प्रदेशसभा सदस्य त..
राष्ट्रिय आवाज,असोज २८ गते निर्वाचन आयोग, नेपालले जनस्वराज पार्टी (संक्षिप्तमा जस्वपा) लाई आधिकारिक रूपमा द..
ओ पी साह जनकपुरधाम , असोज २७ गते , सोमबार मधेश प्रदेशमा जलवायु परिवर्तन, कृषि प्रणाली र कृषिमा युवाको ..
.png)