रोशनी झा प्रकरणमा पूर्वमन्त्री महतोको ध्यानाकर्षण, निष्पक्ष छानबिनको माग
10 महीना पहिले प्रकाशित
राष्ट्रिय आवाज
जनकपुर धाम, मंसिर २२ गते
जनकपुरधाम–४ कटैया चौरीकी २७ वर्षीया रोशनी झाको शंकास्पद निधनप्रति पूर्वमन्त्री तथा नेकपा एमालेकी नेतृ जुली कुमारी महतोले गम्भीर ध्यानाकर्षण जनाउँदै निष्पक्ष छानबिन र दोषीमाथि कडा कारबाही गर्न आग्रह गरेकी छन्।
गत बिहीबार राति घरमै मृत फेला परेकी रोशनी बारे ससुराली पक्षले आत्महत्या गरेको दाबी गरे पनि माइती पक्षले हत्या गरी प्रमाण नष्ट गरिएको आरोप लगाउँदै उजुरी दर्ता गराएका छन्।
चार वर्षअघि प्रशान्त मिश्र सँग विवाह भएको रोशनी प्रकरणमा उनका श्रीमान् प्रशान्त मिश्र र ससुरा रुद्र नारायण मिश्र लाई जिल्ला प्रहरी कार्यालय धनुषाले नियन्त्रणमा लिएर अनुसन्धान अघि बढाएको छ। प्रहरीका अनुसार पोस्टमार्टम प्रतिवेदन पछि घटनाको वास्तविकता उजागर हुनेछ।
रोशनीका मामा प्रदीप चौधरीले प्रमाण नष्ट गरिएको आशंका व्यक्त गर्दै छानबिन अझ कडा बनाउन माग गरेका छन्।
पूर्वमन्त्री महतोले घटनालाई अत्यन्त संवेदनशील भन्दै सत्यतथ्य छिटो सार्वजनिक गर्न र दोषीमाथि कडाभन्दा कडा कारबाही गर्न जोड दिएकी छन्।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
राष्ट्रिय आवाज जनकपुरधाम, असोज २३ गते धनुषा माछा उत्पादनमा आत्मनिर्भर बन्दै गएको छ। यहाँ उत्पादित माछा..
माेनु गुप्ता सिरहा, असाेज २२ गते,लहान युवालाई संसदीय प्रणाली, लोकतान्त्रिक मूल्य–मान्यता तथा शासन व्यव..
सरोज मल्लिक जनकपुरधाम, असोज १९ गते बालबालिकाको शारीरिक तथा मानसिक स्वास्थ्य प्रवर्द्धन गर्ने उद्देश्यले ..
राष्ट्रिय आवाज जनकपुरधाम मधेश प्रदेशमा खाद्य सुरक्षा तथा पोषणको अवस्था सुधार गर्न लैङ्गिक समानता र महिला..
सरोज मल्लिक राष्ट्रिय आवाज जनकपुरधाम, असोज १६ गते सुक्रबार धार्मिक तथा ऐतिहासिक नगरी जनकपुरधामको सरसफा..
.png)