बालेन शाह प्रधानमन्त्री बनेको खुसीयालीमा जनकपुरधाममा रक्तदान
7 महीना पहिले प्रकाशित
राष्ट्रिय आवाज
जनकपुरधाम, चैत १४ गते
जनकपुरधाममा बालेन शाह प्रधानमन्त्री बनेको खुसीयालीमा रक्तदान कार्यक्रम सम्पन्न गरिएको छ। राष्ट्रिय स्वतन्त्र पार्टी (रास्वपा) अन्तर्गत मधेश प्रदेश RAT विभाग समितिको आयोजनामा कार्यक्रम गरिएको हो।
कार्यक्रममा विभिन्न क्षेत्रका युवाहरू तथा सर्वसाधारणको उल्लेखनीय सहभागिता रहेको थियो। “रक्तदान जीवन दान” भन्ने नारासहित सञ्चालन गरिएको कार्यक्रममा सहभागीहरूले उत्साहपूर्वक रक्तदान गर्दै सामाजिक उत्तरदायित्व प्रति आफ्नो प्रतिबद्धता व्यक्त गरेका थिए।
मधेश प्रदेश RAT विभाग प्रमुख अम्भु प्रसाद साहले रक्तदानले आपतकालीन अवस्थामा बिरामीहरूको ज्यान बचाउन महत्वपूर्ण भूमिका खेल्ने भएकाले यस्ता कार्यक्रमलाई निरन्तरता दिनुपर्ने बताए।कार्यक्रमबाट करिब ४० पिन्ट रगत संकलन भएको आयोजकले जनाएको छ। संकलित रगत विभिन्न बिरामीहरूको उपचारमा उपयोग गरिनेछ।
आयोजकका अनुसार यस्ता सामाजिक कार्यक्रमहरूले मानव सेवाको भावना अभिवृद्धि गर्नका साथै समाजमा सकारात्मक सन्देश प्रवाह गर्न महत्वपूर्ण योगदान पुर्याउने विश्वास लिइएको छ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
दीपक श्रेष्ठ मण्डल राष्ट्रिय आवाज जनकपुरधाम, असोज २६ गते जनकपुरधाम उपमहानगरपालिका–३ मा राष्ट्रिय ..
राष्ट्रिय आवाज जनकपुरधाम, असोज २३ गते धनुषा माछा उत्पादनमा आत्मनिर्भर बन्दै गएको छ। यहाँ उत्पादित माछा..
माेनु गुप्ता सिरहा, असाेज २२ गते,लहान युवालाई संसदीय प्रणाली, लोकतान्त्रिक मूल्य–मान्यता तथा शासन व्यव..
सरोज मल्लिक जनकपुरधाम, असोज १९ गते बालबालिकाको शारीरिक तथा मानसिक स्वास्थ्य प्रवर्द्धन गर्ने उद्देश्यले ..
राष्ट्रिय आवाज जनकपुरधाम मधेश प्रदेशमा खाद्य सुरक्षा तथा पोषणको अवस्था सुधार गर्न लैङ्गिक समानता र महिला..
.png)