हिरासतमा महिलालाई यातना दिएको भन्दै मिर्चैयामा प्रदर्शन, प्रहरीद्धारा अश्रुग्यास र रबरको गोली प्रहार

२०७९.७.१ सिरहा
बिनोद ठाकुर

प्रहरी हिरासतमा महिलालाई चरम यातना दिएको भन्दै सिरहाको मिर्चैयामा चक्काजाम र ढुगांमुढा भएको छ । उखुबारीमा १७ दिन पैहले मृत भेटिएकी एक बृद्धाको मृत्युको अनुसन्धान गर्ने क्रममा प्रहरी सासु र पतिलाइ पक्रेको थियो । सिरहाको मिर्चैया नगरपालिका १ रामपुर विर्ताकी करिब ३३ बर्षिया जिबछी देबी शाहलाई प्रहरीले बितेको शुक्रबार नियन्त्रणमा लिएको थियो । हिरासतमा राखैके रातीदेखी आफुलाई प्रहरीले पाइप पिटेको, भ्यालमा कपाल बाँधी पैतालामा पाइपले पिटेको जिबछीको आरोप रहेको छ । उनी अगाडी भनिन ः पाइपले मुखमा हानेर स्टिज गर्नुपर्ने अवस्था सम्म पु–याइदियो । कति पाइपले पिटेको छ त्यसको कुनै गिन्ती नै छैन । उसको शरीरको बिभिन्न भागमा पाइप र लठीले पिटेको निलडाम अझै देखिन्छ – स्थानीय गंगाराम शाहले भने । घटनाको एक दिन पैहले खेत रुंग्न गएकी गुबदी फर्केर न आएपछि त्यसको भोलिपल्ट बुहारी जिबछी र छोरी ललिता खोज्न जाँदा आफनै खेत नजदिकको उखुबारीमा लाश फेला परेको थियो । ललिताको घर पनि प्रयागपुरमै भएकोले छोरीकै घरमा बसेकी होला भनेर उनीहरु ललितालाई फोन गरेर सोध्दा गुब्दी न आएको भनेकी थिइन । त्यस पछि उनीहरु खोजीमा निस्केका थिए । १३ दिन पछि बुहारी जिबछी शुक्रबार पक्राउ परेकी थिइन । त्यही क्रममा प्रहरी चरम यातना दिएको भन्दै स्थानीय सोमबार बिहान साढे आठ बजे देखी दुइ घण्टा प्रहरी कार्यलय अगाडी टायर बालेर चक्काजाम र पत्थरबाजी गरेका थिए । यता स्थिति तनाबग्रस्त बन्न लागेपछि प्रहरीले बल प्रयोग गरी स्थिति नियन्त्रणमा लिएको थियो । उक्त क्रममा प्रहरी ६ राउण्ड अश्रुग्यास र दुइ राउण्ड रबरको गोली प्रहार गरेको सिरहाका प्रहरी प्रमुख प्रहरी उपरिक्षक अर्जुन तिमल्सिनाले बताउनुभयो । प्रहरी उपरिक्षक तिमल्सिनाका अनुसार पत्थरबाजीको क्रममा असई अरुण कुमार झाको टाउको फुटनुको साथै आठ जना प्रहरी घाइते भएका छन । घटना पश्चात प्रमुख जिल्ला अधिकारी लालबाबु कबारी, प्रहरी उपरिक्षक तिमल्सिना, राष्ट्रिय अनुसन्धान विभागका जिल्ला प्रमुख सहितको टोली विहान १० बजे मिर्चैया पुगेको थियो । मिचैया पुगेका सुरक्षा अधिकारीहरुको टोली आन्दोलनरत पक्षको प्रतिनिधि, मिर्चैया नगरपालिकाका मेयर र कर्जन्हा नगरपालिकाका मेयरसँग संयुक्त छलफल गरेपछि पाँच सदस्यीय छानबीन समिति गठन गरिएको छ । छानबीन समितिलाई आगामी तीन भित्र छानबीन प्रतिबेदन बुझाउने गरी अख्तियारी दिएको छ । समितिले बुझाउने प्रतिबेदन अनुसार घटनामा संलग्न दोषी पाइए कानुनी र विभागीय कारबाही गरिने प्रतिबद्धता गरेपछि स्थिति मत्थर भएको छ ।