सरकारी गाडीको नम्बर परिवर्तन गरेर गाडी चुनावमा प्रयोग गर्दै मन्त्री
4 वर्ष पहिले प्रकाशित
बारा, कार्तिक ५ गते ।
मधेश प्रदेशमा संघीय मन्त्रीले सरकारी गाडीको नम्बर प्लेट परिवर्तन गरेर गाडी चुनावमा प्रयोग गरेको पाइएको छ ।
आचारसंहिता उल्लंघन गर्दै खानेपानी मन्त्री तथा नेपाली कांग्रेसका सहमहामन्त्री उमाकान्त चौधरीले चुनावी प्रचारप्रसारका निम्ति सरकारी गाडीको दुरुपयोग गरेको पाइएको छ ।
बारा क्षेत्र नम्बर १ मा सत्ता गठबन्धनका तर्फबाट प्रतिनिधि सभाका उम्मेदवार रहेका चौधरीले चुनावी प्रचारप्रसारका निम्ति सरकारले मन्त्रीलाई दिएको गाडीको नम्बर परिर्वतन गरि प्रयोग गरिएको पाइएको हो ।
मन्त्री चौधरीले रातोनिलो भएको बा २ झ ५८६१ नम्बरको सरकारी गाडीको नम्बर प्लेटनै परिवर्तन गरी बा १२ च ७४३१ नम्बरको प्लेट राखेर प्रयोग गर्दै आएका हुन । बारा जिल्ला घर भएका मन्त्री चौधरी कोही हप्तादेखि बारामै छन् ।
उनले चुनावी प्रचारप्रसारका निम्ति समेत सरकारी गाडी प्रयोग गर्दै आएको एक स्थानीय राम एकबाल चौधरीले बताए । चौधरीले भने, “मैले पहिले मन्त्रीज्यूको यहीँ गाडीमा सरकारी नम्बर देखेको थिएँ । विगत तीन चार दिनबाट निजी नम्बर देखेँ । प्रहरी नै मन्त्री अघिपछि हुन्छ । प्रशासन मौन छ, कसले कारबाही गर्ने खै रु”
निर्वाचन २०७९ प्रयोजनका लागि जारी भएको आचारसंहितामा नेपाल सरकार, प्रदेश सरकार, मन्त्री, स्थानीय कार्यपालिका तथा पदाधिकारीले कुनै पनि राजनीतिक दल वा उम्मेदवारको पक्ष विपक्षमा प्रचारप्रसारमा संलग्न हुन वा प्रचारप्रसार गर्न नपाइने उल्लेख गरिएको छ ।
यो खबर पढेर तपाईलाई कस्तो महसुस भयो ?
कमेन्ट गर्नुहोस्
राष्ट्रिय आवाज जनकपुरधाम, असार ६ गते, शनिबार व्याहुत सुडी सेवा समिति, जनकपुरधामको महाधिवेशन शनिबार सम्पन्न ..
दिपक श्रेष्ठ मण्डल धनुषाधाम, असार ५ गते धनुषाको धनुषाधाम नगरपालिकाको १८ औँ नगरसभा सम्पन्न भएको छ। नगरसभामा पूर्..
दिपक श्रेष्ठ मण्डल जनकपुरधाम,असार ६ गते जनकपुरधामस्थित निर्माणाधीन रामजानकी बहुउद्देश्यीय अन्तर्..
दिपक श्रेष्ठ मण्डल जनकपुरधाम,असार ४ गते सप्तरीको खडक नगरपालिका मधेश प्रदेशकै दोस्रो तथा जिल्लाकै पहिलो..
दिपक श्रेष्ठ मण्डल जनकपुरधाम,असार ४ गते बालबालिकाको रोग प्रतिरोधात्मक क्षमता अभिवृद्धि, शारीरिक तथा मा..
.png)