नेपाल रेडक्रस सोसाइटी उपशाखा कल्याणपुरको छैठौं वार्षिक साधारण सभा सम्पन्न

पौष २५, सिरहा
बिनोद ठाकुर
नेपाल रेडक्रस सोसाइटी उपशाखा कल्याणपुरको आज छैठौं वार्षिक साधारण सभा सम्पन्न भएको छ ।

उपशाखा कल्याणपुरको प्राँगनमा सम्पन्न भएको उक्त कार्यक्रममा रेडक्रस सोसाइटीको बारेमा चर्चा गरिएको छ । नेपाल रेडक्रस सोसाइटी उपशाखा कल्याणपुरको सचिब शिबकुमार शाहद्धारा संचालन गरिएको वार्षिक साधारण सभा कार्यक्रममा कल्याणपुर नगरपालिकाकी उपमेयर रेखा देबी यादबले दीप प्रज्जवलन गर्नुभएको थियो । त्यस्तै दुखी प्रसाद शाहको आजीवन सदस्यको सम्झनामा एक मिनेट मौनधारण गरिएको थियो । जोन हेनरी डी ले उत्पादन गरेको रेडक्रस सोसाइटी अहिेले आजकै दिन विश्वभर मनाउने गरिन्छ ।

उक्त साधारण सभामा सोसाइटीका सभापति रामनारायण शाहले वार्षिक आयव्यय विवरण प्रस्तुत गर्नुभएको थियो । सोसाइटीको एम्बुलेन्सबाट एक वर्षमा ६ लाख ७ हजार १ सय चार रुपैया बैंक मौज्दात रहेको उहाँले जानकारी गरउनुभयो । त्यस्तै यो अर्थिक वर्षमा थप १ लाख ५० हजार आम्दानी भई जम्मा ७ लाख ५७ हजार १ सय चार रुपैया सोसाइटीको नाममा रहेको जानकारी दिनुभयो ।

उक्त वार्षिक साधारण सभा कार्यक्रममा नगरपालिकाकी उपप्रमुख रेखा देबी यादब, पुर्वप्रधानाध्यापकहरु, सोसाइटीका पदाधिकारीहरु, नेकपा एमालेका बैजनाथ शाह लगायत संचारकर्मी र स्थानीयहरुको उपस्थिति रहेको थियो । वि.संं २०५४ सालमा स्थापना भएको रेडक्रस उपशाखा कल्याणपुरको पहिलोचोटी साधारण सभा गर्न पाएकोमा आफु एकदमै हर्षित भएको र आगामी दिनमा पनि हरेक वर्षमा साधारण सभा गरिने सभापति रामनारायण शाहले प््तिबद्धता ब्यक्त गर्नुभयो ।