आगोले शक्त घाइते सुमारीलाई मिर्चैया नगरपालिकाको आर्थिक सहयोग

०७९। १०। ११ मिर्चैया
बिनोद ठाकुर
बितेको १० दिन अघि सुमारी यादब माघ महिनाको चिसोलाई लुकामारी गर्दै शरीरलाई न्यानो पार्ने उपाय खोजिन । गाउँघरको दाउरा, पराल, गुइठा जस्ता वस्तुले जाडोले छुनै सक्दैन, र सुमारी पनि त्यसैको जोहो गरिन । शरीरै काम्ने गरी त्यो जाडो, झन ओढने, औछयाउने अनि न्यानो बनाउने कपडालत्ता नभएर घुर सल्काउने जुक्ति सोचिन सुमारी । आर्थिक अवस्था भन्नुपर्दा अत्यन्तै दयनीय, घरको छोरा पनि केही दिन अघि नै एक दुर्घटनामा परी ज्यान गुमाए, दैवको लिला पनि अपरम्पार । बज्रपात माथी बज्रपात । छोराको सम्झना नसेलाउँदै अन्दाजी ४० वर्षिया सुमारीको जिन्दगीमा पुन ः कहालीलाग्दो भएको घटनाले सिस्वौनी मात्रै नभई मिर्चैयाबासी नै बिक्षिप्त भएका छन ।
जाडो छल्नको लागी सुमारी यादब घुर बालिन । एकैछिन शरीर न्यानो भएपछि, आहा कतेक गर्मी, घुर सँ त केहेन केहेन जार भाइग जाइ है, नभन्दै आगोले शरीरको स्पर्श गरिसकेको पत्तै पाइनन सुमारी । आगोले शरीरको लगभग ४० प्रतिशत हिस्सामाथि कब्जा गरिसकेको थियो । तबसम्म सुमारी अचेत अवस्थामा पुगिन । चौतर्फी हल्ला भएपछि मानवताको परिचय दिदैं स्थानीय र रिश्तेदारले मिर्चैया अस्पताल पुगाए । तबसम्म अलिक ढिलो भएछ क्यारे । तथापी भनिन्छ ः डाक्टर ईश्वरको अर्को अवतार हो । मिचैया अस्पतालले सकभर प्रयास नगरेको चाँहि होइन, अथक जमर्को गर्दागर्दै बिरामीको अवस्था थप जटिल बन्दै गएको जानकारी अस्पतालकी मेडिकल सुपरिडेन्टेन्ट डा. सारिका गोइतले गराउनुभयो । उहाँकै शब्द सापटी लिएर भन्नुपर्दा सरकारी अस्पातालले गरेका काम र व्यबहारले रोगी र कुरुवा पनि गदगद भएका छन । यहाँ उपचार सम्भव नभएपछि अस्पतालले नानाप्रकारका भ्रमलाई चिर्दै उदाहरणीय काम गरी समयमै काठमाण्डौ पठाएका छन । अस्पतालकी मेसु गोइत आफैं काठमाण्डौको किर्तिपुर बर्न हस्पिटलमा सम्पर्क गरी हरेक सेवा सुबिधा मिलाई निशुल्क एम्बुलेन्सको व्यवस्थान गरी आज रेफर गरिएको छ । यता मिचैया नगरपालिकाले नगरभित्रका नगरबासीहरुको लागी विगतमा झैं गरेका अतुलनीय कार्यलाई निरन्तरता दिन पछि परेन । नगरपालिकाका मेयर श्रवण कुमार यादबले नगरपालिकाको तर्फबाट गम्भीर घाइते सुमारी यादबलाई ५०,००० रुपैँयाको नगद सहयोग गर्नुभयो । आज अस्पतालमै पुगेर मेयर यादबले पचास हजार रुपैँयाको चेक हस्तानान्तरण गर्नुभयो । चेक बुभ्mदै सुमारी यादबले आँखाभरी आँशुका धारा बगाउदै मेयर यादबलाई कृतज्ञता ज्ञापन गरिन । उता नगरपालिका स्वास्थय शाखाका प्रमुख बिजय महतो पनि २५,००० नगद सहयोग गरी आफुलाई समाजसेवी चिनाउनमा कुनै कन्जुस्याँइ गर्नुभएन ।
यसरी स्थानीय सरकार, सेवा प्रदायकले सेवाग्राही र आम नागरिकाको लागी सदैव सकारात्मक भावना लिई जिम्मेबारी पुरा गरे वास्तवमै गाउँगाउँमा सिहँदरवार आए जस्तो भान हुन्छ ।