जनकपुरधाम सहित देशभर धुमधाम सँग सरस्वती पूजा मनाइँदै

जनकपुरधाम, फागुन २ गते 

माघ शुक्ल बसन्त पञ्चमीका दिन मनाइने , श्रीपञ्चमी पर्व आज विद्याकी अधिष्ठात्री देवी सरस्वती काे निष्ठापूर्वक पूजा-आराधना गरी मनाइँदै ।

 हरेक वर्ष माघ शुक्लपञ्चमीका दिन मनाइने श्रीपञ्चमी तथा सरस्वती पूजाकाे दिन हरेक सरस्वती मँता मठ मन्दिरमा पूजा गर्नेकाे भीड लाग्ने गर्छ । विद्याकि देवी सरस्वतीकाे पूजा विशेष गरि विद्यार्थी तथा बालबालिका तथा पत्रकार तथा शिक्षाका क्षेत्रमा काम गर्नेहरुले गर्दछन् । 

स्कुल, कलेज तथा विश्वविद्यालय र इन्ष्टिच्युटहरुमा देवी सरस्वती काे धुमधामका साथ पूजा हुन्छ । विद्यालय नपठाइएका साना बालबालिकालाई आजकै दिनदेखि अक्षरारम्भ गराउने चलन छ । आजका दिन लेखपढ गर्न सिकाए राम्रो विद्या आउने धार्मिक विश्वास छ । यस दिन बालबालिकालाई शिक्षारम्भका सँगै नाक- कान छेडिदिने परम्परा पनि गरिन्छ । नाक, कान छेडिदिने परम्परा पहाडी जिल्ला सहित काठमाडौं उपत्यकामा देखिन्छ भने तराई मधेशतिर यस्तो परम्परा भने रहेको छैन् । जनकपुरधाम सहित विभिन्न स्कूल तथा कलेजहरु सहित चाेक चाैराहामा सरस्वती काे प्रतीमा राखेर धुमधामका साथ पूजाआजा गरिरहेकाे छ ।

 सरस्वतीलाई चढाइएकाे सात गेडा अक्षता दाँतले नछाेई निलेमा विद्या र बुद्धि स्फुरण भई विद्यादेवीबाट चेतनाकाे ज्याेति पाइन्छ भन्ने धार्मिक विश्वास छ । वसन्त पञ्चमीकाे दिन विधिविधानका साथ देवी सरस्वती काे पूजा गर्दा विद्या र बुद्धिका साथसाथै सफलता पनि पाइने विश्वास गरिन्छ ।विहानै उठेर स्नान गरेपछि पवित्र आचरण र बाेलीकाे संकल्प लिँदै माता सरस्वतीकाे पूजा गर्नुपर्छ । पूजामा चन्दन , अक्षता , सेताे र पहेंलाे फूल, सेताे चन्दन र सेताे वस्र देवीलाई चढाउँनुपर्छ । प्रसादमा पहेँलो चामल, खीर , दूध , दही, मक्खन , सेताे तिलकाे लड्ड , घिउ, नरिवल , सक्खर र माैसम अनुसारकाे फल चढाउँनुपर्छ । त्यसपछि माता सरस्वतीसँग बुद्धि र सफलताको कामना गरेर दीप प्रज्वलन गर्दै आरती गर्नुपर्छ ।

 पढाइमा मन नलाग्ने विद्यार्थीहरुले देवी सरस्वतीकाे नित्य पूजन गरेमा पढाईमा मन लाग्छ । देवीकाे प्रतिमाअगाडि उभिएर मन्त्रहरु उच्चारण गर्दा स्मरण शक्ति बढ्छ ।