सबैलामा पन्द्रदिने लोकसेवा तयारी कक्षा सम्पन्न

जनकपुर धाम, जेष्ठ 31 गते 

सबैला नगरपालिकाको आयोजनामा संचालित १५ दिने नगर स्तरीय लोकसेवा तयारी कक्षा सम्पन्न भएको छ ।  

आयोजित एक समारोहका वीच लोकसेवा तयारी कक्षा समापन गरिएको हो ।कार्यक्रममा बोल्दै नगर प्रमुख कारीराम यादवले तालिममा सिकेको ज्ञानलाई व्यवहारमा उतार्न विद्यार्थीलाई आग्रह गरेका छन । उनले सहभागीहरुले लोकसेवा आयोगको परिक्षामा नाम निकालेर सरकारी सेवामा प्रवेश गर्न सकेमात्र कार्यक्रमले सार्थकता पाउँने बताए । तालिममा सक्रिय सहभागीता जनाएकोमा सहभागीहरुलाई धन्यवाद दिदै उनले आगामी दिनमा समेत लोकसेवा तयारी कक्षा तालिम संचालन गर्ने प्रतिबद्धता व्यक्त गरे । 

विश्वनाथ साहले लोकसेवा तयारी कक्षामा सहभगी हुन पाउँदा खुशी लागेको बताए । ऊनीहरुले कार्यक्रम उपलब्धिमुलक भएकोले आगामी दिनमा समेत कार्यक्रमलाई निरन्तरता दिन आग्रह गरे । 

कार्यक्रममा प्रमुख अतिथि सबैला नगरपालिकाका नगर प्रमुख प्रशासकीय अधिकृत कृष्ण पौडेल ,बिरेन्द्र लाल कर्ण, वडा न.९ वडा अध्यक्ष मनीष राय,शेखर जनचेतना आधारभुत विद्यालयका प्रधानाध्यापक मनोजकुमार यादव,कार्यक्रम संयोजक विश्वास लाल कर्ण पत्रकार मुकेश कुमार ठाकुर लगायतका सहभागीता रहेका थिए । 

जेठ १५ गतेदेखि सुरु भएको लोकसेवा तयारी कक्षामा सबैला नगरपालिका अन्तर्गतका १३ वटै वडा र चार जना अन्य पालिकाका गरी ८२ जना विद्यार्थी सहभागी भएका थिए ।