कानु समाज नेपालको नगर कमिटी जनकपुरको सपथग्रहण वैशाख ६ गते हुने

 कमल साह

जनकपुरधाम,चैत्र १४ गते 

 कानु समाज नेपाल जनकपुरधाम नगर कमिटी तथा नगर युवा मंच कमिटी ले अगामी वैशाख ६ गते सपथ ग्रहण कार्यक्रम गर्ने निर्णय भएको छ । 

    कानु समाज नेपाल धनुषा जिल्ला कार्यसमितिको सक्रियतामा सम्पन्न जनकपुरधाम उपमहानगर पालिकामा नगर कमिटी तथा नगर युवा मंच कमिटी निर्वाचित पदाधिकारीहरु संग भएको छलफलबाट उक्त निर्णय भएको छ । 

   कानु समाज नेपाल धनुषा जिल्लाका अध्यक्ष उदय चन्द्र साहको अध्यक्षतामा सम्पन्न वृहत्त छलफल कार्यक्रमबाट अगामी वैशाख ६ गते सपथग्रहण कार्यक्रम गर्ने निर्णय भएको छ ।

    स्थानिय श्री महावीर युवा कमिटिको सभाकक्षमा आयोजित वृहत्त छलफलमा अधिवेशनको बन्दसत्रले सर्वसम्मतिबाट गठित पाँचसदस्यीय निर्वाचन समन्वय छनोट समिति सदस्य तथा कानु समाज नेपालका केन्द्रिय सदस्य द्वय पवन कुमार साह र कमल साह, जनकपुरधाम उपमहानगरपालिका– ३ का वडा अध्यक्ष बेचन साह,प्राध्यापक रमेश कुमार साह र रामबहादुर साह, जिल्ला किमिटीका सचिव प्राध्यापक मुक्तिनाथ साह, कोषाध्यक्ष अशोषक साह,बरिष्ठ पत्रकार श्रीनारायण साह,नवनिर्वाचित नगर कमिटी का अध्यक्ष शंकर साह तथा कार्यसमिति, युवा मंचका अध्यक्ष संतोष साह तथा सम्पूर्ण कार्यसमितिको उपस्थिति रहेका थिए ।

   कानु समाज धनुषको प्रथम अधिवेशनले जनकपुरधाम उपमहानगरपालिकाका युवा व्यवसायी शंकर प्रसाद साहको अध्यक्षतामा २१ सदस्यीय नगर कार्यसमिति सर्वसम्मतिबाट चयन भएको छ ।   

   अधिवेशनको बन्दसत्रले सर्वसम्मतिबाट पाँचसदस्यीय निर्वाचन समन्वय छनोट समिति गठन गरेको थियो । सो समितिले जनकपुरधाम उपमहानगरपालिकाको २५ वटै वाडमा रहेका वैश्य मध्येशिया कानु,कानकुब्ज, मगहिया हलवाई जातिमा भएका सक्रिय व्यक्तित्वहरुलाई कार्यसमितिमा चयन गर्न मद्त पुर्याएको जिल्ला कार्यसमितिका सचिव प्राध्यापक मुक्तिनाथ साह ले बताउनु भयो ।